മലപ്പുറം: യുവതിയെ ഭർത്താവിന്റെ വീട്ടിൽ തൂങ്ങി മരിച്ചനിലയിൽ കണ്ടെത്തി. വേങ്ങര ചെറൂർ മിനിക്കാപ്പ് സ്വദേശി നിസാറിന്റെ ഭാര്യ ജലീസ (31) ആണ് മരിച്ചത്. ഭർത്താവിന്റെ വീട്ടിലെ അടുക്കളയോട് ചേര്ന്നുള്ള ഷെഡിലാണ് മൃതദേഹം കണ്ടെത്തിയത്.
കാരാത്തോട് അപ്പക്കാട് സ്വദേശിയാണ് ജലീസ. പത്ത് വർഷം മുൻപായിരുന്നു ഇവരുടെ വിവാഹം. ഭർത്താവ് വിദേശത്താണ് ജോലി ചെയ്യുന്നത്. ഇവർക്ക് മൂന്ന് മക്കളുണ്ട്. മരണകാരണം വ്യക്തമല്ല. വേങ്ങര പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
