ഈ വർഷത്തെ ഓസ്കാറിന് അമിത് വി മസൂർകർ സംവിധാനം ചെയ്ത ന്യൂട്ടൻ ഇന്ത്യയെ പ്രതിനിധീകരിക്കും. മികച്ച വിദേശ ചിത്രത്തിനുള്ള മത്സരത്തിലാകും ന്യൂട്ടൻ മത്സരിക്കുക. 26 സിനിമകളിൽ നിന്ന് തെലുങ്ക് നിർമ്മാതാവ് സിവി റെഡ്ഡി അദ്ധ്യക്ഷനായ സമിതിയാണ് ന്യൂട്ടനെ തെരഞ്ഞെടുത്തത്.
ഇക്കഴിഞ്ഞ 22 ന് റിലീസ് ചെയ്ത ന്യൂട്ടന് അതേദിവസം തന്നെ ഓസ്കാർ എൻട്രി ലഭിച്ചത് ചിത്രത്തിന്റെ അണിയറ പ്രവർത്തകർക്ക് ഇരട്ടി സന്തോഷമാണ് നൽകിയത്.
രാജ്കുമാർ റാവു, പങ്കജ് ത്രിപ്തി, അഞ്ജലി പാട്ടീൽ, രഘുബീർ യാദവ് തുടങ്ങിയവരാണ് ചിത്രത്തിൽ പ്രധാന വേഷങ്ങളിലെത്തുന്നത്.
റലീസ് ചെയ്ത് ചുരുങ്ങിയ ദിവസങ്ങൾ കൊണ്ട് മികച്ച കളക്ഷനാണ് ചിത്രം നേടിയത്. ആദ്യ നാല് ദിവസത്തെ അനൗദ്യോഗിക കണക്കുകളനുസരിച്ച് 9 കോടിയോളമാണ് ചിത്രത്തിന്റെ കളക്ഷൻ.