• Page Views 313

സെൽഫിക്ക് രണ്ട് ക്യാമറ; സെൽഫി പ്രേമികൾക്കായി അസൂസ് സെൻഫോൺ 4

ചാഞ്ഞും,ചരിഞ്ഞും നിന്നു എത്ര സെൽഫി എടുത്താലും മതി വരാത്ത സെൽഫി പ്രേമികൾക്ക് സന്തോഷ വാർത്തയുമായി അസൂസ്. സെൽഫിക്കായി രണ്ട് ക്യാമറയുളള തങ്ങളുടെ പുതിയ സെൻഫോൺ 4 സെൽഫി സീരീസ് ഇന്ത്യയിൽ പുറത്തിറക്കി. സെൻഫോൺ 4 സെൽഫി, സെൻഫോൺ 4 സെൽഫി പ്രോ എന്നിങ്ങനെ രണ്ട് മോഡലുകളിൽ പുതിയ ഫോൺ ലഭ്യമാകും.

5.5 ഇഞ്ച് ഫുൾ എച്ച് ഡി ഡിസ്പ്ലേയും 3000 Mah ബാറ്ററിയുമാണ് പുതിയ ഫോണിനുളളത്. ആൻഡ്രോയ്ഡ് 7.0 നൌഗട്ട് ഒഎസിലാണ് സെൻഫോൺ 4 സെൽഫി പ്രവർത്തിക്കുന്നത്.

സെൻഫോൺ 4 സെൽഫി:-

1.4 Ghz ഒക്ടാകോർ ക്വാൽകം സ്നാപ്ഡ്രാഗൺ 625 പ്രൊസസറാണ് ഈ മോഡലിലുളളത്. 16 മെഗാ പിക്സൽ റിയർ ക്യാമറയും 20, 12 മെഗാപിക്സൽ ഡ്യുവൽ സെൽഫി ക്യാമറയും സെൻഫോൺ സെൽഫിയിലുണ്ട്. 3ജിബി റാം, 4 ജിബി റാം എന്നിങ്ങനെ രണ്ട് വേരിയന്റുകളിൽ സെൻഫോൺ 4 സെൽഫി ലഭ്യമാകും.

സെൻഫോൺ 4 സെൽഫി 3ജിബി റാമും 32ജിബി ഇന്റേണൽ മെമ്മറിയുമുളള മോഡലിന് 9,999 രൂപയും, 4 ജിബി റാമും 64 ജിബി ഇന്റേണൽ മെമ്മറിയുമുള്ള മോഡലിന് 14,999 രൂപയുമാണ് വില.

സെൻഫോൺ 4 സെൽഫി പ്രോ:-

2 Ghz ഒക്ടാകോർ ക്വാൽകം സ്നാപ്ഡ്രാഗൺ 625 പ്രൊസസറാണ് ഈ മോഡലിലുളളത്. 16 മെഗാ പിക്സൽ റിയർ ക്യാമറയും, 12 മെഗാപിക്സൽ ഡ്യുവൽ സെൽഫി ക്യാമറയും സെൻഫോൺ സെൽഫി പ്രോയിലുണ്ട്. 4 ജിബി റാമും 64 ജിബി ഇന്റേണൽ മെമ്മറിയുമുള്ള ഒരു വേരിയന്റ് മാത്രമേ സെൻഫോൺ 4 പ്രോ മോഡലിനുള്ളൂ. 23,999 രൂപയാണ് സെൽഫി പ്രോയുടെ വില.

 

സെപ്റ്റംബർ 21 മുതൽ ഫ്ലിപ്കാർട്ട് വഴി അസൂസ് സെൻഫോൺ സെൽഫി സീരിസിന്റെ വിൽപ്പന ആരംഭിക്കും.

22 പേരെ കൊലപ്പെടുത്തിയ ഭീകരൻ : വന്നത് പാകിസ്ഥാനിൽ നിന്ന്

Next Story »

അതിർത്തിയിൽ വെടിനിർത്തൽ ലംഘനം : ബി‌എസ്‌എഫ് ജവാന് വീരമൃത്യു

HAPPENING NOW

%d bloggers like this: