ശ്രീനഗര്: കശ്മീരില് ഭീകരരുമായി സൈന്യം കടുത്ത ഏറ്റുമുട്ടല് തുടരുന്നു. ഇന്ന് പുലര്ച്ചെ പാംപോറിലെ സംബോറിയില് നടത്തിയ ഏറ്റുമുട്ടലില് ഒരു ലഷ്കര് ഇ തൊയ്ബ ഭീകരനെ സുരക്ഷാ സൈന്യം വധിച്ചു.
ലഷ്കര് ഇ തൊയ്ബ അബു ഇസ്മയില് വിമതവിഭാഗത്തിലെ ഉമര് എന്നയാളാണ് കൊല്ലപ്പെട്ടത്. ഇയാളില് നിന്ന് ഒരു എകെ47 തോക്കും പിടിച്ചെടുത്തു.
മേഖലയില് തീവ്രവദികളുടെ സാന്നിധ്യമുണ്ടെന്ന് വിവരത്തെ തുടര്ന്ന് ഞായറാഴ്ച രാത്രിയോടെയാണ് സൈന്യം തിരച്ചില് ആരംഭിച്ചത്. സൈന്യവും സിആര്പിഎഫും കശ്മീര് പൊലീസും ചേര്ന്ന നടത്തിയ തിരച്ചിലിനൊടുവിലാണ് ഏറ്റുമുട്ടല് ആരംഭിച്ചത്.