ലണ്ടൻ : ഇന്ത്യൻ ക്യാപ്ടൻ മിതാലി രാജിനെ ഐസിസി ലോക ഇലവന്റെ ക്യാപ്ടനായി തിരഞ്ഞെടുത്തു. ലോകകപ്പിൽ ഇന്ത്യൻ ടീമിനെ ഫൈനലിലേക്ക് നയിച്ച പോരാട്ട മികവിനാണ് ഐസിസിയുടെ അംഗീകാരം .
ലോക ഇലവനിൽ ഇന്ത്യയിൽ നിന്ന് ഹർമൻ പ്രീത് കൗറും ദീപ്തിശർമ്മയും ഉൾപ്പെട്ടു. ഇത് രണ്ടാം വട്ടമാണ് മിതാലി ലോക ഇലവന്റെ ക്യാപ്ടനാകുന്നത് . 2009 ലും മിതാലിയെ ഐസിസി ക്യാപ്ടനായി തിരഞ്ഞെടുത്തിരുന്നു.
ഇയാൻ ബിഷപ്പ് , ജ്യോഫ് അലാർഡിസ് , ചാർലോട്ട് എഡ്വാർഡ്സ് , സ്നേഹൽ പ്രധാൻ , ലിസ സ്ഥലേക്കർ എന്നിവരടങ്ങുന്ന സമിതിയാണ് മിതാലിയെ തിരഞ്ഞെടുത്തത് . ടൂർണമെന്റിൽ ആകെ 409 റൺസെടുത്ത മിതാലി ഒരു സെഞ്ച്വറിയും അടിച്ചിരുന്നു.