മുംബൈ: ഇന്ത്യൻ സൂപ്പർ ലീഗ് നാലാം സീസണിന് വേണ്ടി അണിഞ്ഞൊരുങ്ങി കേരളാ ബ്ലാസ്റ്റേഴ്സ്. മലയാളികളുടെ സ്വന്തം സികെ വിനീതിനെയും പ്രതിരോധ താരം സന്ദേശ് ജിങ്കനേയും നിലനിർത്തി ഡ്രാഫ്റ്റിനെതിയ ബ്ലാസ്റ്റേഴ്സ് ഒരുപിടി നല്ല താരങ്ങളുമായാണ് മടങ്ങിയത്.
നാല് മലയാളി താരങ്ങൾ ഇത്തവണ ബ്ലാസ്റ്റേഴ്സിനായി ബൂട്ടണിയും. സികെ വിനീതിന് പുറമെ റിനോ ആന്റോ, യുവ താരങ്ങളായ അജിത് ശിവൻ, പ്രശാന്ത് കരുത്തേടത്തുകുനി എന്നിവരാണ് ബ്ലാസ്റ്റേഴ്സിനായി ഇറങ്ങുന്നത്.
വിനീതിനെ കൂടാതെ ജാപ്പനീസ് വംശജനായ വെറ്ററന് താരം അരാറ്റ ഇസുമി, മണിപ്പൂര് താരങ്ങളായ ജാക്കിചന്ദ് സിംഗ്, സിയാം ഹംഗല്, മിലന് സിംഗ്, ലോകെന് മെയ്തേയി എന്നിവരാണ് മധ്യനിരയിലുള്ളത്.
മലയാളി താരം പ്രശാന്ത് കരുത്തേടത്തുകുനിയും ഐ ലീഗിൽ മുംബൈയുടെ സ്ട്രൈക്കറായ കരൺ അതുലും മാത്രമാണ് നിലവിൽ ബ്ലാസ്റ്റേഴ്സിന്റെ മുന്നേറ്റ നിരയിലുളളത്.
പ്രതിരോധ നിരയിൽ ജിങ്കനും ആന്റോയ്ക്കും പുറമെ ഇന്ത്യൻ അണ്ടര്-23 ടീം ക്യാപ്റ്റൻ ലാല്റുതാര, മേഘാലയില് നിന്നുള്ള താരം സാമുവല് ഷദാബ്, മിസോറാമില് നിന്നുള്ള ലാല്തകിമ, മണിപ്പൂരില് നിന്നുള്ള പ്രീതം സിംഗ് എന്നിവരെയാണ് ബ്ലാസ്റ്റേഴ്സ് തെരഞ്ഞെടുത്തത്.
കഴിഞ്ഞ സീസണിൽ എഫ്സ് ഗോവയുടെ ഗോൾ കീപ്പറായിരുന്ന സുഭാഷിഷ് റോയ് ചൗധരിയാകും നാലാം സീസണിൽ ബ്ലാസ്റ്റേഴ്സിന്റെ ഗോൾ വല കാക്കുക.
ബ്ലാസ്റ്റേഴ്സ് ടീം:
ഗോൾ കീപ്പർ: സുഭാഷിഷ് റോയ് ചൗധരി
ഫോർവേഡ്: പ്രശാന്ത് കരുത്തേടത്തുകുനി, കരൺ അതുൽ
മിഡ് ഫീൽഡർമാർ: സികെ വിനീത്, അജിത് ശിവന്, അരാറ്റ ഇസുമി, മിലന് സിംഗ് , സിയാം ഹംഗല്, ജാക്കിചന്ദ്സിംഗ്, ലോകെന് മെയ്തി.
ഡിഫൻഡർമാർ: സന്ദേശ് ജിങ്കൻ, റിനോ ആന്റോ, ലാല്റുതാര, ലാല്തകിമ, പ്രീതം കുമാർ സിംഗ്, സാമുവൽ ഷദപ്.
Here's our 16 member squad now. അപ്പൊ എങ്ങനെയാ? തുടങ്ങുവല്ലേ?#KBFC #NammudeSwantham #YellowMeinKhelo #HeroISLDraft pic.twitter.com/JbnHpanvKt
— Kerala Blasters FC (@KeralaBlasters) July 23, 2017