മലപ്പുറം: ഭര്ത്താവിന്റെ അറവ് ശാലയ്ക്കകത്ത് യുവതിയെ കഴുത്തറത്ത് കൊല്ലപ്പെട്ട നിലയില് കണ്ടെത്തി. പരപ്പനങ്ങാടി പഴയകത്ത് നിസാമുദീന്റെ ഭാര്യ റഹീന ( 30 ) യാണ് കൊല്ലപ്പെട്ടത്.
മാംസ വ്യാപാരിയായ നിസാമുദീന്റെ അഞ്ചുപുരയിലുള്ള അറവുശാലയ്ക്കകത്താണ് മൃതദേഹം കണ്ടെത്തിയത്. സംഭവത്തിന് ശേഷം നിസാമുദീനെ കാണാതായിട്ടുണ്ട്. ഭാര്യയെ കൊലപ്പെടുത്തിയ ശേഷം നിസാമുദീന് ഒളിവില് പോയെന്നാണ് പൊലീസിന്റെ നിഗമനം.
ഞായറാഴ്ച പുലര്ച്ചെ നാലോടെ ജോലിക്കായി കടയിലെത്തിയ തൊഴിലാളികളാണ് മൃതദേഹം കണ്ടത്. തുടര്ന്ന് അവര് പൊലീസിനെ വിവരം അറിയിക്കുകയായിരുന്നു.
ഇന്ന് പുലര്ച്ചെ രണ്ടു മണിയോടെ കടയില് ആളില്ലെന്ന് പറഞ്ഞ് നിസാമുദ്ദീന് ഇവരെ കടയിലേക്ക് കൂട്ടിക്കൊണ്ടു പോയി അവിടെ വച്ച് കൊല്ലുകയായിരുന്നു എന്നാണ് പോലീസിന്റെ നിഗമനം.
രണ്ട് ഭാര്യമാരുള്ള നിസാമുദ്ദീന്റെ ആദ്യ ഭാര്യയാണ് റഹീന. പതിമൂന്നും എട്ടും വയസുള്ള നാജിയ ഫര്ഹാന, നജീബ് എന്നീ രണ്ട് മക്കളാണ് ഇവര്ക്കുള്ളത്.