ലണ്ടന്: ലോകകപ്പ് വനിതാ ക്രിക്കറ്റില് ഇന്ത്യക്ക് ഇന്ന് സെമിഫൈനല്. നിലവിലെ ചാമ്പ്യന്മാരായ ഓസ്ട്രേലിയയാണ് ഇന്ത്യയുടെ എതിരാളികള്. ഗ്രൂപ്പിലെ അവസാന മത്സരത്തില് ന്യൂസിലാന്ഡിനെ തകര്ത്താണ് ഇന്ത്യ സെമിയിലെത്തിയത്. അതേസമയം ഇംഗ്ലണ്ടിന് പിന്നില് രണ്ടാം സ്ഥാനക്കാരായാണ് ഓസ്ട്രേലിയ അവസാന നാലിലെ പോരാട്ടത്തിന് അര്ഹത നേടിയത്.
മികച്ച ബാറ്റിങ്, ബൗളിങ് നിരയാണ് ഇന്ത്യക്കുള്ളത്. ഓപ്പണര് പൂനം റാവത്ത്, നായിക മിതാലി രാജ്, സ്മൃതി മന്ഥാന, ഹര്മന്പ്രീത് കൗര് എന്നിവരടങ്ങിയ ബാറ്റിങ്ങ് നിരയിലാണ് ഇന്ത്യയുടെ പ്രതീക്ഷകള്. കഴിഞ്ഞ ഏഴ് കളികല് നിന്ന് ഒരു സെഞ്ചുറിയും മൂന്ന് അര്ദ്ധസെഞ്ചുറികളുമടക്കം 356 റണ്സാണ് മിതാലി നേടിയത്. പൂനം റാവത്ത് 281 റണ്സുമായി തൊട്ടുപിന്നാലെയുണ്ട്.
ജൂലന് ഗോസ്വാമി, ഏക്ത ബിഷ്ത്, ശിഖ പാണ്ഡെ, ദീപ്തി ശര്മ്മ എന്നിവരടങ്ങുന്ന ബൗളിങ് നിരയും ശക്തമാണ്.
മറുവശത്ത് ഓസ്ട്രേലിയയും തികഞ്ഞ ആത്മവിശ്വാസത്തിലാണ്. സൂപ്പര് എട്ടില് ഇരുടീമുകളും പരസ്പരം ഏറ്റുമുട്ടിയപ്പോള് ഓസീസ് വനിതകള്ക്കായിരുന്നു വിജയം. ഇന്ത്യ നേടിയ 226 റണ്സിനെതിരെ എട്ട് വിക്കറ്റിന്റെ വിജയമാണ് അവര് നേടിയത്.
നേരത്തെ ദക്ഷിണാഫ്രിക്കയെ പരാജയപ്പെടുത്തി ഇംഗ്ലണ്ട് വനിതാ ലോകകപ്പ് ക്രിക്കറ്റിന്റെ ഫൈനലില് എത്തിയിരുന്നു. ആദ്യം ബാറ്റ് ചെയ്ത ദക്ഷിണാഫ്രിക്ക ആറ് വിക്കറ്റിന് 218 റണ്സെടുത്തപ്പോള് മറുപടി ബാറ്റിങ്ങിനിറങ്ങിയ ഇംഗ്ലണ്ട് 49.4 ഓവറില് എട്ട് വിക്കറ്റ് നഷ്ടത്തില് വിജയം നേടി.