ന്യൂഡല്ഹി: മുന്ഇന്ത്യന് താരം ഭരത് അരുണിനെ ഇന്ത്യന് ക്രിക്കറ്റ് ടീമിന്റെ പുതിയ ബൗളിങ് കോച്ചായി നിയമിച്ചു. സജ്ഞയ് ബംഗാറാണ് അസിസ്റ്റന്റ് കോച്ച്.
നിലവില് മുഖ്യപരിശീലകനായ രവിശാസ്ത്രി മുമ്പ് ടീം ഡയറക്ടറായിരുന്നപ്പോള് അരുണായിരുന്നു ബൗളിങ് കോച്ച്.
നേരത്തെ സച്ചിന് തെണ്ടുല്ക്കര്, സൗരവ് ഗാംഗുലി, വി.വി.എസ്.ലക്ഷ്മണ് എന്നിവരുള്പ്പെട്ട മൂന്നംഗ ക്രിക്കറ്റ് ഉപദേശകസമിതി മുമ്പാകെ അഭിമുഖത്തിന് ഹാജരായപ്പോള് സഹപരിശീലകരെ തിരഞ്ഞെടുക്കാനുള്ള സ്വാതന്ത്ര്യം തനിക്ക് നല്കണമെന്ന് ശാസ്ത്രി ആവശ്യപ്പെട്ടിരുന്നു.
ശ്രീലങ്കയ്ക്കെതിരെ മൂന്ന് ടെസ്റ്റുകളും അഞ്ച് ഏകദിനങ്ങളും ഒരു ട്വന്ി20 യും അടങ്ങുന്നതാണ് ഇന്ത്യയുടെ അടുത്ത പരമ്പര. 26ന് ഗോളിലാണ് ആദ്യ ടെസ്റ്റ് ആരംഭിക്കുന്നത്.