കൊൽക്കത്ത : ഐപിഎല്ലിൽ കിംഗ്സ് ഇലവൻ പഞ്ചാബിനെതിരെ കൊൽക്കത്ത നൈറ്റ് റൈഡേഴ്സിന് എട്ടുവിക്കറ്റ് ജയം. 171 റൺസ് വിജയലക്ഷ്യവുമായിറങ്ങിയ കൊൽക്കത്ത 16.3 ഓവറിൽ ലക്ഷ്യം കാണുകയായിരുന്നു. 49 പന്തിൽ 72 റൺസ് എടുത്ത ഗൗതം ഗംഭീറും 16 പന്തിൽ 25 എടുത്ത മനീഷ് പാണ്ഡേയും കൊൽക്കത്തയ്ക്കായി മികച്ച പ്രകടനം കാഴ്ചവെച്ചു. റൈഡേഴ്സിനു വേണ്ടി ഇന്നിംഗ്സ് ഓപ്പൺ ചെയ്ത് 37 റൺസ് നേടിയ സുനിൽ നരെയ്നാണ് കളിയിലെ താരം
ആദ്യം ബാറ്റ് ചെയ്ത കിംഗ്സ് ഇലവൻ പഞ്ചാബ് നിശ്ചിത ഓവറിൽ ഒൻപത് വിക്കറ്റ് നഷ്ടത്തിലാണ് 170 റൺസെടുത്തത്.മികച്ച തുടക്കം ലഭിച്ചെങ്കിലും മദ്ധ്യനിരയിലെ കൂട്ടത്തകർച്ചയാണ് വൻ സ്കോർ നേടാൻ പഞ്ചാബിന് കഴിയാതിരുന്നത്.കൊൽക്കത്തയ്ക്ക് വേണ്ടി ഉമേഷ് യാദവ് 33 റൺസ് വഴങ്ങി നാല് വിക്കറ്റ് വീഴ്ത്തി. ഇന്ന് ബാംഗ്ലൂർ മുംബെയേയും ഗുജറാത്ത് പൂനെയേയും നേരിടും.