മഡ്ഗാവ്: സന്തോഷ് ട്രോഫി ഫൈനൽ റൗണ്ടിൽ കേരളം ഇന്നിറങ്ങും. ഗ്രൂപ്പ് ബിയിൽ റയിൽവേസാണ് കേരളത്തിന്റെ എതിരാളികൾ. വൈകിട്ട് നാലിന് മഡ്ഗാവിലെ ബാംബോലിം സ്റ്റേഡിയത്തിലാണ് മത്സരം. യോഗ്യത റൗണ്ടിലെ ആദ്യമത്സരത്തിൽ പുതുച്ചേരിയേയും രണ്ടാം മത്സരത്തിൽ ആന്ധ്രപ്രദേശിനെയും കീഴടക്കിയാണ് കേരളത്തിന്റെ വരവ്.
മൂന്നാംമത്സരത്തിൽ കർണാടകത്തെ ഗോൾ രഹിത സമനിലയിൽ തളയ്ക്കുകയായിരുന്നു. നായകൻ പി ഉസ്മാനിലും മുന്നേറ്റക്കാരൻ ജോബി ജെസ്റ്റിനിലും കേരളം പ്രതീക്ഷ അർപ്പിക്കുന്നു.
എന്നാൽ ആദ്യമത്സരം തോറ്റതിന്റെ ക്ഷീണത്തിലാണ് റെയിൽവേസ് എത്തുന്നത്. പഞ്ചാബിനോടാണ് 2-1 ന് റയിൽവേസ് പരാജയപ്പെട്ടത്.