jio-service-court-fb-crd
  • Page Views 656

ജിയോ സൗജന്യ സേവനം: ട്രായിക്ക് കോടതി നോട്ടീസ്

ന്യൂഡല്‍ഹി: ജിയോ 4 ജി സൗജന്യസേവനവുമായി ബന്ധപ്പെട്ട് ടെലികോം റെഗുലേറ്ററി അതോറിറ്റിക്ക് (ട്രായ്) കോടതി നോട്ടീസ്. ഭാരതി എയര്‍ടെല്‍ നല്‍കിയ ഹര്‍ജിയിലാണ് ടെലികോം ട്രിബ്യൂണല്‍ ട്രായിക്ക് നോട്ടീസ് അയച്ചത്. 90 ദിവസങ്ങളില്‍ കൂടുതല്‍ ജിയോയുടെ സൗജന്യ സേവനം അനുവദിക്കാന്‍ ട്രായ് അനുമതി നല്‍കിയത് ചോദ്യം ചെയ്തുകൊണ്ടാണ് ഹര്‍ജി.

നിയമലംഘനങ്ങളില്‍ ട്രായ് നിശബ്ദ കാഴ്ചക്കാരാകുകയാണെന്ന് ഹര്‍ജിയില്‍ ആരോപിക്കുന്നു. ഡിസംബര്‍ മൂന്നിന് ശേഷം ജിയോയുടെ സൗജന്യസേവനം തുടരരുതെന്ന് ട്രായിയോട് നിര്‍ദ്ദേശിക്കണമെന്നും ഹര്‍ജിയില്‍ ആവശ്യപ്പെടുന്നു. ജസ്റ്റീസുമാരായ ബി.ബി ശ്ര്ീവാസ്തവ, എ.കെ ഭാര്‍ഗവ എന്നിവര്‍ അടങ്ങുന്ന ഡിവിഷന്‍ ബെഞ്ചാണ് ഹര്‍ജി പരിഗണിച്ചത്.

സംഭവത്തില്‍ വ്യക്തമായ നിലപാട് സ്വീകരിക്കാന്‍ ടെലികോം റെഗുലേറ്ററി അതോറിറ്റിയോട് കോടതി നിര്‍ദ്ദേശിച്ചു. കേസ് വീണ്ടും ഫെബ്രുവരി ഒന്നിന് പരിഗണിക്കും. തുടക്കത്തില്‍ മൂന്ന് മാസത്തേക്ക് സൗജന്യസേവനം വാഗ്ദാനം ചെയ്ത ജിയോ പിന്നീട് മാര്‍ച്ച് 17 വരെ മൂന്ന് മാസത്തേക്ക് കൂടി സേവനം നീട്ടുകയായിരുന്നു.


ഫുജൈറയില്‍ തീപിടുത്തത്തില്‍ മൂന്ന് മലയാളികള്‍ മരിച്ചു

Next Story »

അഞ്ചല്‍ രാമഭദ്രന്‍ വധക്കേസ്: സിപിഎം ഏരിയ സെക്രട്ടറി കീഴടങ്ങി

HAPPENING NOW

%d bloggers like this: