ഇടുക്കി: മലയാളികളുടെ പ്രിയ കലകാരന് കലാഭവന് മണിയുടെ ജന്മദിനമാണ് ഇന്ന്. ഇടുക്കിയിലെ സുഹൃത്തുക്കള്ക്കൊപ്പം തണുത്ത പുതുവത്സര പുലരിയെ വരവേല്ക്കാന് അദ്ദേഹം മുടങ്ങാതെ അടിമാലിയില് എത്തിയിരുന്നു.
അടിമാലിയിലെ പാടിയില് നാടന്പാട്ടിന്റെ താളങ്ങളിലൂടെ പുതവത്സരത്തിനെ വരവേല്ക്കാന് ഇക്കുറി മണിച്ചേട്ടന് ഇല്ല. എന്നാല് അദ്ദേഹത്തിന്റെ ഓര്മകള് പങ്കുവെച്ച് മണിക്കിലുക്കം അവസാനിപ്പിക്കാതെ കാത്തു സൂക്ഷിക്കാന് കുറുച്ചു സുഹൃത്തുക്കള് അടിമാലിയില് ഒത്തു ചേര്ന്നു.
അടിമാലിയിലെ പാടിയില് കഴിഞ്ഞ പുതുവത്സര പുലരിയില് നാടന്പാട്ടുകളുടെ താളം പകരാന് ഈ സുഹൃത്തുക്കള്ക്കൊപ്പം കലാഭവന്മണിയും ഉണ്ടായിരുന്നു. മണിച്ചേട്ടന്റെ നല്ല ഓര്മകളിലൂടെ ഇക്കുറി വീണ്ടും ഒത്തു ചേരുകയാണ് ഈ കൂട്ടുകാര്. ഒരു ആഘോഷത്തിനല്ല, മണി പകര്ന്ന നല്ല ഓര്മകള് പങ്കുവെക്കാനാണ് ഇവര് അടിമാലിയില് എത്തിയത്.
മണിച്ചേട്ടനോടുള്ള ഇഷ്ടവും ആരാധനയും മനസില് സൂക്ഷിച്ച് കലാഭവന് മണിക്കായി സ്വന്തം വീട്ടുമുറ്റത്ത് അസ്തി തറയൊരുക്കി നിത്യവും വിളക്ക് വെക്കുന്ന കൊച്ചിന് ബിജുവിലൂടെയാണ് സുഹൃത്തുക്കള് ഇക്കുറി ഒരുമിച്ചത്. പാടിയിലെ ഈ കലകാരനെ മണിക്കും എറെ പ്രയപ്പെട്ടതായിരുന്നു.