തിരുവനന്തപുരം: സഹകരണ ബാങ്കുകള്ക്ക് മേല് കേന്ദ്രസര്ക്കാര് നിയമപരമായ നിയന്ത്രണങ്ങള് ഏര്പ്പെടുത്തുന്നതില് പ്രതിഷേധിച്ച് തിങ്കളാഴ്ച സംസ്ഥാനത്ത് സിപിഎം ഹര്ത്താലിന് ആഹ്വാനം ചെയ്തു. തിരുവനന്തപുരത്ത് ചേര്ന്ന സിപിഎം സംസ്ഥാന സെക്രട്ടറിയേറ്റാണ് ഇതു സംബന്ധിച്ച് തീരുമാനമെടുത്തത്.
തിങ്കളാഴ്ച കേന്ദ്ര സര്ക്കാര് ഓഫീസുകള് ഉപരോധിക്കാനും റെയില്-റോഡ് ഗതാഗതം തടയാനും പോളിറ്റ് ബ്യൂറോ കഴിഞ്ഞ ദിവസം ആഹ്വാനം ചെയ്തിരുന്നു. ഇതേ തുടര്ന്നാണ് സംസ്ഥാനത്ത് ഹര്ത്താല് നടത്താന് സിപിഎം സംസ്ഥാന സെക്രട്ടറിയേറ്റ് തീരുമാനിച്ചത്.