ദുബായ്: പ്രധാനമന്ത്രി നരേന്ദ്ര മോദിയുടെ ഭരണത്തിന്റെ മികവിനോട് കേരളം മുഖം തിരിഞ്ഞു നിൽക്കുകയാണെന്ന് സുരേഷ് ഗോപി എം പി. ഭരണനേട്ടങ്ങൾ പോതുജനങ്ങളിലേക്ക് എത്തിക്കാനുള്ള ശ്രമങ്ങൾ ഇനിയും നടത്തേണ്ടതുണ്ടെന്നും അദ്ദേഹം പറഞ്ഞു. ദുബായിൽ എത്തിയ സുരേഷ്ഗോപി എം പി ക്ക് പൊതുപ്രവർത്തകർ നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം.
കേന്ദ്ര സർക്കാരിന്റെ പ്രവർത്തനങ്ങളെ വിവാദത്തിലേക്ക് വലിച്ചിഴക്കുന്നതിനു പിന്നിലെ ഹിഡൻ അജണ്ട പൊതുജനങ്ങൾക്ക് അറിയാമെന്നും സർക്കാരിന്നെ എതിർക്കാൻ എന്തൊക്കെ മാർഗ്ഗം ഉണ്ടെന്ന് ചിലർ ഗവേഷണം നടത്തികൊണ്ടിരിക്കുകയാണെന്നും സുരേഷ് ഗോപി പറഞ്ഞു. വിവിധ മേഖലകളിൽ വ്യക്തിമുദ്ര പതിപ്പിച്ച പ്രവാസികളെ അദ്ദേഹം ചടങ്ങിൽ ആദരിച്ചു .