ബെംഗലൂരു: ഏഷ്യന് ഫുട്ബോള് കോണ്ഫെഡറേഷന് കപ്പ് ഫൈനലിന് യോഗ്യത നേടുന്ന ആദ്യ ഇന്ത്യന് ടീമായി ബെംഗലൂരു എഫ്സി. ബെംഗലൂരു ശ്രീകണ്ഠീരവ സ്റ്റേഡിയത്തില് നടന്ന രണ്ടാം പാദ സെമിയില് നിലവിലെ ജേതാക്കളായ മലേഷ്യന് ക്ലബ്ബ് ജോഹോര് ദാറുല് ടാസിമിനെ പരാജയപ്പെടുത്തിയാണ് ബെംഗലൂരു എഫ്സി ഈ ചരിത്ര നേട്ടം കൈവരിച്ചത്.
ഒന്നിനെതിരേ മൂന്ന് ഗോളുകള്ക്കായിരുന്നു ബെംഗലൂരു എഫ്സിയുടെ വിജയം. ക്യാപ്റ്റന് സുനില് ഛേത്രിയുടെ ഇരട്ടഗോളിന്റെ മികവിലായിരുന്നു ബെംഗലൂരു ചരിത്രനേട്ടം സ്വന്തമാക്കിയത്്. 41, 67 മിനിറ്റുകളിലായിരുന്നു ഛേത്രിയുടെ ഗോളുകള്. യുവാന് അന്റോണിയോ ഗോണ്സാലസ് ആണ് എഴുപത്തിയഞ്ചാം മിനിറ്റില് ബെംഗലൂരു എഫ്സിക്ക് വേണ്ടി മൂന്നാം ഗോള് നേടിയത്.
പതിനൊന്നാം മിനിറ്റില് ക്യാപ്റ്റന് ഷഫിക് റഹീം നേടിയ ഗോളിന്റെ മുന്തൂക്കത്തിലായിരുന്നു മലേഷ്യന് ടീം. തുടര്ന്നാണ് ആദ്യപകുതിയുടെ അവസാനം സുനില്ഛേത്രി ആരാധകരുടെ പ്രതീക്ഷകള് വലയിലാക്കിയത്. മലേഷ്യയില് ഇരുടീമുകളും തമ്മില് നടന്ന ആദ്യപാദ സെമി 1-1 ന് സമനിലയില് അവസാനിച്ചിരുന്നു.
പ്രതിരോധ നിരയില് റിനോ ആന്റോയും മദ്ധ്യനിരയില് സി.കെ വിനീതുമാണ് ബെംഗലൂരു എഫ്സി ടീമിലെ മലയാളി സാന്നിധ്യം.