കൊൽക്കത്ത: ന്യൂസിലന്റിനെതിരായ കൊൽക്കത്ത ടെസ്റ്റിൽ ഇന്ത്യ ഒന്നാം ഇന്നിംഗ്സിൽ 316റൺസിന് പുറത്ത്. രണ്ടാം ദിനം ഏഴ് വിക്കറ്റിന് 239 റൺസെന്ന നിലയിൽ ബാറ്റിംഗ് പുനരാരംഭിച്ച ഇന്ത്യയ്ക്ക് 77 റൺസ് മാത്രമേ കൂട്ടിച്ചേർക്കാനായുള്ളൂ. പുറത്താകാതെ 54 റൺസെടുത്ത വിക്കറ്റ് കീപ്പർ വൃദ്ധിമാൻ സാഹയുടെ ചെറുത്ത് നിൽപ്പാണ് ഇന്ത്യൻ സ്കോർ 300 കടത്തിയത്.
കിവീസിനായി മാറ്റ് ഹെൻറി മൂന്നും ട്രെന്റ് ബോൾട്ട്, വാഗ്നർ, ജീതൻ പട്ടേൽ എന്നിവർ രണ്ട് വിക്കറ്റ് വീതം വീഴ്ത്തി.
മറുപടി ബാറ്റിംഗ് ആരംഭിച്ച ന്യൂസിലൻഡിന് രണ്ട് വിക്കറ്റ് നഷ്ടമായി. ഒരു റൺസെടുത്ത ടോം ലാഥമിനെ മുഹമ്മദ് ഷമിയും മാർട്ടിൻ ഗുപ്റ്റിലിനെ ഭുവനേശ്വർ കുമാറും പുറത്താക്കി. രണ്ടാം ദിനം ലഞ്ചിന് പിരിയുമ്പോൾ കിവീസ് രണ്ട് വിക്കറ്റ് നഷ്ടത്തിൽ 21 റൺസെന്ന നിലയിലാണ്.