വിംബിൾഡൺ : വിംബിൾഡൺ വനിതാ ടെന്നീസിൽ അമേരിക്കയുടെ സെറീന വില്യംസിന് കിരീടം. ഫൈനലിൽ, ജർമ്മനിയുടെ ആഞ്ചലിക് കെർബറെ നേരിട്ടുള്ള സെറ്റുകൾക്കാണ് സെറീന കീഴടക്കിയത്.സ്കോർ: 7-5,6-3, സെറീന വില്യംസിന്റെ ഏഴാം വിംബിൾഡൺ കിരീടമാണിത്. 22 ആം ഗ്ലാൻഡ് സ്ലാം കിരീടത്തോടെ വനിതാ സിംഗിൾസിൽ സ്റ്റെഫി ഗ്രാഫിന്റെ നേട്ടത്തിനൊപ്പം സെറീനയെത്തി. കന്നി കിരീടം തേടിയിറങ്ങിയ കെർബർ ഫൈനലിൽ സെറീനയ്ക്ക് പോന്ന എതിരാളിയായില്ല. ഓസ്ട്രേലിയൻ ഓപ്പണിൽ ഇരുവരും ഏറ്റുമുട്ടിയപ്പോൾ കെർബറിനായിരുന്നു ജയം.നാളെ നടക്കുന്ന പുരുഷ സിംഗിൾസ് ഫൈനലിൽ ആൻഡി മുറെ മിലോസ് റവോണിച്ചിനെ നേരിടും.