ന്യൂഡൽഹി: ഇന്ത്യൻ ഹോക്കിയിലെ ഇതിഹാസം മുഹമ്മദ് ഷാഹിദ് ഡൽഹി ഗുഡ്ഗാവിലെ ആശുപത്രിയിൽ അന്തരിച്ചു. 56 വയസ്സായിരുന്നു. വൃക്കയും കരളും തകരാറിലായ അദ്ദേഹം ചികിത്സയിലായിരുന്നു. പത്തൊൻപതാം വയസ്സിൽ അന്താരാഷ്ട്ര ഹോക്കിയിൽ അരങ്ങേറ്റം കുറിച്ച ഭാരതത്തിന്റെ മിന്നും താരമായിരുന്നു മുഹമ്മദ് ഷാഹിദ്.
ഇന്ത്യൻ ഹോക്കി ടീമിന്റെ ക്യാപ്റ്റനായും തിളങ്ങിയ മുഹമ്മദ് ഷാഹിദ് തന്റെ വേറിട്ട ശൈലിയാൽ അന്താരാഷ്ട്ര തലത്തിൽ ശ്രദ്ധേയനായ താരമായിരുന്നു. ഡ്രിബ്ലിംഗിൽ അദ്ദേഹത്തിന്റേത് വേറിട്ട ശൈലിയായിരുന്നുവെന്ന് വിലയിരുത്തപ്പെടുന്നു.
1981ൽ അർജ്ജുന അവാർഡിന് അർഹനായ മുഹമ്മദ് ഷാഹിദിനെ 1986ൽ രാഷ്ട്രം പദ്മശ്രീ നൽകി ആദരിച്ചു.