ന്യൂഡൽഹി : ദീനദയാൽ ഉപാദ്ധ്യായ ഗ്രാമ ജ്യോതി യോജന വഴി കേന്ദ്രസർക്കാർ ഈയാഴ്ച വൈദ്യുതീകരണം നടത്തിയത് 253 ഗ്രാമങ്ങളിൽ . ഇതിൽ ഒഡിഷയിൽ നിന്നുള്ള 111 ഗ്രാമങ്ങൾ ഉൾപ്പെടുന്നു. അസമിലെ 81 ഗ്രാമങ്ങളും ജാർഖണ്ഡിലെ 40 ഗ്രാമങ്ങളും ഈയാഴ്ച വൈദ്യുതീകരിച്ചിട്ടുണ്ട് .
രാജ്യത്തെ ഇതുവരെ വൈദ്യുതിയെത്താത്ത 18,452 ഗ്രാമങ്ങൾ ആയിരം ദിവസം കൊണ്ട് വൈദ്യുതീകരിക്കുമെന്ന് പ്രധാനമന്ത്രി നരേന്ദ്രമോദി സ്വാതന്ത്ര്യ ദിന സന്ദേശത്തിൽ പറഞ്ഞിരുന്നു . കഴിഞ്ഞ വർഷം ജൂലൈയിലാണ് പദ്ധതി ആരംഭിച്ചത് .
രാജ്യത്തെ എല്ലാ ഗ്രാമങ്ങളിലും 24 മണിക്കൂർ വൈദ്യുതിയെത്തിക്കാനുള്ള കേന്ദ്രസർക്കാർ നയത്തിന്റെ ഭാഗമായാണ് ദീനദയാൽ ഉപാദ്ധ്യായ ഗ്രാമ ജ്യോതി യോജന ആരംഭിച്ചത് . കർഷകർക്ക് കുറഞ്ഞ ചെലവിൽ വൈദ്യുതി എത്തിക്കുക എന്ന ലക്ഷ്യവും ഇതിനുണ്ട് .
2015-16 കാലയളവിൽ 5279 ഗ്രാമങ്ങൾ ഇതുവരെ വൈദ്യുതീകരിച്ചു കഴിഞ്ഞു.
